മധുരപ്രണയം

മൂപ്പെത്താത്ത പ്രണയത്തിന്നു
ഇളനീരോളം മധുരം.

നീ

എൻ,
നെഞ്ചുടുക്കിൻ താളം നീയാണെങ്കിൽ
മാവിൻ പുകയേൽക്കുവോളം.........

മനസ്സ്

അന്ന്
ഒഴുക്കുനിലച്ച പുഴയിലെ പായലുകൾ നീ വാരികൂട്ടി,

ഇന്ന്
ഒഴുക്കിലെ മാലിന്യം അരിച്ചെടുക്കാൻ ഞാനും...

കാത്തിരിപ്പ്

കാത്തിരിപ്പാണു ഞാന്‍;
മഴയ്ക്കല്ല
മഴതോര്‍ന്ന നിലാവുള്ള രാവിന്നായ്,
നിന്‍ കാലൊടിയൊച്ചകള്‍ക്ക് കാതോര്‍ത്ത്...

വഴി

വഴി; നമുക്കൊത്ത് നടക്കാന്‍
പിന്നെ പിരിയാനും!

അറിയില്ല ഇനിയും

പ്രണയാക്ഷരങ്ങൾ
മുഴുവൻ
പകർന്നു തന്ന
നീയെന്തേ,
വിരഹത്തിൻ
വേദനയുടെ അർത്ഥം
നേരത്തേയോതിയില്ലാ?